Wenger Awaahidi Mashabiki Wake Watarajie Mengi

Wenger awaahidi mashabiki wake watarajie mazuri mengi yatakayokuja.  Mkufunzi huyu wa arsenal anatia bidii kuona timu ya arsenal imechukua kombe la EPL. Arsenal imepaa kileleni cha EPL baada ya kufunga timu ya Swansea City mabao 2-1 na watasafiri hadi West Brom hii jumapili wakitarajia kushinda mechi yao ya kumi na mbili.

Matumaini ya Wenger ni kuona ya kuwa wamekomaa kimchezo akisisitiza ya kwamba tangu mwezi wa machi wameweza kuleta matokeo mazuri."Natarajia kuwa tutafanya vyema, na kuna mengi ambayo yatatoka kutoka kwetu, lakini itategemea mangapi tunayotaka na jinsi tunavyokuwa na njaa ya kujifanikisha." Wenger aliwaambia talkSPORT.

Wenger anaamini ya kuwa matokeo mazuri yamechangiwa na jinsi wachezaji wake wanavyoichukulia ligi hii na lakini anaonya kuwa wajitahadhari kwani hawajashinda kikombe chochote hadi sasa. "Tunahitaji kufanya zaidi"

Arsenal washacheza na West Brom msimu huu katika Capital One Cup na kuweza kuwafunga katika mikwaju ya penalti. Ameonya team yake Kuhusu West Brom baada ya kuifunga timu ya Manchester United mabao 2-1 uwanja wa Old Trafford. "Hii ni mechi kubwa kwetu na yakusisimua pia kwa sababu timu zote zinauhakika kwa kushindana na wanajiamini," aliendelea kusema Mzaliwa wa Ufaransa.