Vyoo Kuwekwa Kamera Ili Kuchunguza Watumiaji

Nairobi. Sasa imekuwa rasmi kuwa vyoo vyote ambavyo vinapatikana katikati ya jiji la nairobi vitawekwa kamera ili kuchunguza watumiaji. Hatua hii ilipitishwa na baraza la jiji la nairobi wakiamini kuwa jambo hili litasaidia sana katika usalama. Mji wa nairobi hujulikana sana kwa wizi na mara nyingi watumiaji wa vyoo hivi hupora mali ipatikanayo katika vyoo hivi ikiwemo makaratasi ya shashi  na mara nyingine hubomoa vyuma vya mifereji kwenda kuviuza kwa bei ya mnada.

Ijapokuwa wengi wataona kuwa jambo hili ni la kuzuia wizi, kuna wadadisi wanaamini pia jambo hili pia nikuzuia mipango yoyote ambayo inaweza kupangwa na magaidi. Jiji hilo hivi maajuzi lilishuhudia mashambulizi katika duka maarufu la Westgate ambapo watu zaidi ya 70 waliuawa kutokana na magaidi. Sahizi kumewekwa mikakati kabambe ili kuzuia majanga kama hayo. Kwa sasa usalama wa jiji umeimarishwa.

Baraza hili pia lilisema awali kuwa litaongeza kamera zake jijini humo ambazo zimetapakaa kwote.

Kamera ambazo zimewekwa vyooni naona zitazuia watu kwenda haja, ama wasemaje?