CASTER SEMENYA Mwanariadha Mwenye Jinsia Utata Aoa Mchumba

Hayawi hayawi mwishowe huwa. Staa wa riadha mzaliwa wa Afrika Kusini ambaye hadi sasa jinsia yake ni ya utata ameamua kuoa mwanamke. Huku bado kukiwa na majadiliano mazito katika nyanja ya riadha iwapo 'mwanadada' huyu ni mwanamke ama mwanamume, Semenya ameamua kuoa. Na aliyemuoa si mwanamume bali ni mwanamke.

Kulingana na magazeti ya udaku nchini Afrika Kusini, imehakikishwa kuwa Semenya amejipatia mchumba mwanamke ambaye ni msagaji kwa jina Violet na duru za kuaminika ni kuwa tayari mahari yashatumwa kwa familia ya mchumba huyu tayari kujadiliana kuhusu ndoa.

Semenya kama ijulikanavyo ni 'mwanamke' mwenye miraba minane na ashawahi kushinda kwa umbali mbio za wanawake katika mashindano ya Olympic miaka michache iliyopita hivyo kutia dorasi jinsia yake.

Jarida la The People's Paper linadai kuwa harusi ishapamba moto. Kulingana na jarida hilo, wawili hao Semenya na Violet ni wachumba ambao kamwe hawawezi kuachana. ''Wawili hawa wanapendana kufa kuzikana. Maisha yao ya mbele wameyapanga vyema na wanakisia kupanua vipaji vyao mbeleni,'' rafiki ya mwanariadha huyo aliongea.

Kulingana na mahari, Semenya ametoa pesa kiasi cha R25 000 ($2,200) kumuoa Violet.