Maoni Ya Venessa Mdee Kuhusu Usaili Wa Big Brother Africa

LEO July 11 ndo siku ambayo usaili wa kuwatafuta washiriki watakaoiwakilisha Tanzania katika reality show ya Big Brother nchini Afrika Kusini umeanza kufanyika.

Mara nyingi zinapokaribia siku za usaili mashabiki mbalimbali huweka ubashiri wao wa mastaa ambao wanadhani wanafaa kwenda kutuwakilisha. Vanessa Mdee ni miongoni mwa mastaa ambao walitajwa na baadhi ya watu kuwa anaweza kufaa kama atawania nafasi hiyo mwaka huu.

Hiki ndicho alichojibu Vanessa kama yuko tayari kuwaridhisha mashabiki wanaotamani achukuefomu na kushiriki kwenye usaili wa kupata nafasi hiyo.“Nasikitika kuwaambia wale wote ambao wangependa kuniona katika nyumba ya Big Brother kwamba haitakaa itokee” Amesema Vee Money na kutaja sababu, “character yangu haiendani na kukaa kwenye nyumba na watu wengi hivyo, yaani I will be so defeated yaani ntatoka siku ya tatu afu ntawa disappoint wale waliokuwa wanapenda niwe pale”.

Licha ya yeye kutokuwa na wazo la kushiriki ila amemtaja mtu anayedhani anaweza kufaa kwa nafasi hiyo. “I think Rahim should Try, Rahim da Prince. Rahim I think he understands a lot about the world halafu pia ana personality he is very out going so nadhani angeweza kufanya vizuri pale”.

Lakini pia amemtaja mtu ambaye hastahili na asiyetakiwa hata kujaribu kuchukua fomu: “Nadhani mpoki asiende”.LOL!

Usaili wa kuwatafuta wawakilishi wa Tanzania kwenye Big Brother utafanyika kwa siku mbili kuanzia leo July 11 na July 12 katika hotel ya New Afrika jijini Dar.